“La piida”

Sdaza burdela, mortla te Palmina;

te corr int’l’era e porta una fasena;

to zo d’int’e’ camin, te, birichina,

la vecia teggia nira; la farena

l’é bona e bienca e u jé la matra pina..

..Ed ecco ch’us spargoja int’ la cusena

cun la fiama cl’arstora, una nuvlina

ad cl’udor che dis; magna, ench st’a n’e fema!

Oh vecia piida cun e’ squaquaron

che sguezza da l’urel di tu quadret,

t’arcordat al clazion sora e’ rivel

a l’eria averta sota e’ nost polmòn?!

Piida e Rumagna, spigul e cor scét;

fasim donca turné dl’etr...un burdel!..

Pietro Comandini

La piada

Staccia ragazza e impasta te Palmira;/tu corri nell'aia e prendi una fascina;/prendi là nel camino, tu biricchina,/la vecchia teglia nera; la farina/ è buona e bianca, e ce n'è una madia piena.../ ...ed ecco che si sparge nella cucina/ con la fiamma che ristora, una nuvolina/ di quell'odore che dice: mangia anche se non hai fame!/ Oh vecchia piada con lo squacquerone / che sborda da l'orlo del tuo quadrato,/ ti ricorda la colazione sopra quel gradino/ e l'aria aperta sopra i nostri polmoni?!/ Piada di Romagna, spigolosa dal cuore schietto;/ fammi tornare ad essere un ragazzo!