martedì 17 agosto 2021

SERA D'ESTATE

 



Sera d’insteda

(Sera d'estate)


E cala lent e’ sol e la pianura

l’ha ciapè cla su tinta culor d’viola;

come nuvlini bienchi a la ventura

e va por l’eria e’ fom ad qualca roba


e l’ombra d’jelbur l’as fa longa e scura.

un scrola un rem una fuidina sola

in che silenzi ch’h n’hamaj misura

e pè che manca infina la parola...


...e po’ un grilin l’arisga la su vosa

un trel l’arspond ‘na cavalett zlosa (zlasa)

e po’ un’etra piò in là; e tot un cor


di men in men u’ s’alza da la tera...

Do vachi bienchi int’ un cantir d’spagnera

al guerda e’ sol che a poch a poch e’ mor!


Pubbl. la Pié n.9-10 1926.

giovedì 12 agosto 2021